சாந்தனு, பூர்ணிமா நடிப்பில் வாய்மை

வாய்மை என்பதற்குப் பதில் வாரிசுகள் என்று வைத்திருக்கலாம். பாக்யராஜின் மகன் சாந்தனு, பாண்டியராஜின் மகன் பிருத்வி, பாரதிராஜாவின் மகன் மனோஜ்; பாரதி… இவர்கள்தான் வாய்மை படத்தின் முக்கிய நடிகர்கள்.

வாய்மையின் கதைச் சுருக்கம், ஒரு தாயின் சபதம். தாய் மகனுக்காக போடும் ஒரு சபதம்தான் கதையாம். இதில் அம்மா வேடத்தில் பூர்ணிமா பாக்யராஜ் நடிக்கிறார். மகனாக சாந்தனு. இருவரும் ஒரே படத்தில் நடிப்பதும், அதுவும் அம்மா, மகனாக நடிப்பதும் இதுதான் முதல்முறை.

தியாகராஜன் ராணுவ வீரராக நடிக்கிறார். முக்கியமான வேடத்தில் ஊர்வசி.

வசந்தபாலன், ப்ரியா ஆகியோரிடம் உதவி இயக்குனராக இருந்த அ.செந்தில்குமார் படத்தை இயக்குகிறார். 23 ஆம் தேதி தொடங்கிய படப்பிடிப்பு தொடர்ந்து நடந்து வருகிறது.