கௌதமின் கொரியர் பாய் கல்யாண்

கௌதம் தனது நீதானே என் பொன்வசந்தம் படத்தின் இசை வெளியீட்டு விழாவை ஜுலையில் நடத்துகிறார். படம் ஆகஸடில் வெளியாகும். அப்படியே ஸ்லிப்பானால் செப்டம்பர்.

ஜுலையில் ஆடியோவை வெளியிட்ட கையோடு விஜய் நடிக்கும் யோஹன் அத்தியாயம் ஒன்றை தொடங்கயிருக்கிறார். அதற்குமுன் அவரது சொந்த தயாரிப்பான தமிழ்ச்செல்வனும் தனியார் அஞ்சலும் ஜுன் பதினான்காம் தேதி தொடங்குகிறது. இந்தப் படத்தில் ஜெய், கிச்சா, சந்தானம், விடிவி கணேஷ் ஆகியோர் நடிக்கிறார்கள். அரவான் கார்த்திக் இசையமைக்கிறார். பிரேம் சாய் இயக்கம்.

இந்தப் படத்தை நீதானே என் பொன்வசந்தம் மாதிரி தமிழ், தெலுங்கு இரு மொழிகளில் கௌதம் தயாரிக்கிறார். தெலுங்கில் படத்துக்கு கொரியர் பாய் கல்யாண் என்று பெயர் வைத்திருக்கிறார்கள்.