கௌதமின் இன்ஸ்டால்மெண்ட்

சமந்தா இல்லாமல் நீதானே என் பொன்வசந்தம் படப்பிடிப்பை முடிக்க இயலாமல் தத்தளிக்கிறார் கௌதம். எப்போது அவர் தோல் அலர்‌ஜியிலிருந்து மீள்வது, படப்பிடிப்பை தொடர்வது... கடவுளுக்கே வெளிச்சம்.

இந்த ஸ்பீட் பிரேக்கர் யாருக்கும் தெ‌ரியாத வகையில் படத்தைப் பற்றிய தகவல்களை தவணை முறையில் தந்து கொண்டிருக்கிறார். அது மட்டுமா, எப்போதோ முடிந்து பெட்டிக்குள் சுருண்டிருக்கும் தங்கமீன்கள் பற்றியும் இவ‌ரின் இன்ஸ்டால்மெண்ட் அறிவிப்புகள், தகவல்கள் தொடர்ந்து கொண்டேயிருக்கிறது.

சமீபத்திய தகவல், ஏன் தங்கமீன்கள் படத்தை தயா‌ரித்தேன் என்பதற்கான விளக்கம். அமீர்கானின் தாரே ஜமீன் பர் படத்தைப் பார்த்த போது இதேபோன்ற சமூகத்துக்கு செய்தி சொல்லும் படத்தை எடுக்க வேண்டும் என்று தோன்றியதாம். தங்கமீன்கள் ஸ்கி‌ரிப்டை படித்ததும் உடனே ஓகே சொன்னதற்கு அதுதான் காரணம் என்று தெ‌ரிவித்துள்ளார்.

தங்கமீன்களில் முதலில் கருணாஸை நடிக்க வைக்கவே முடிவு செய்திருந்தார். நீங்க நடிப்பதாக இருந்தால் தயா‌ரிக்கிறேன் என்று கௌதம் சொன்னதால் ராமே அந்த வேடத்தில் நடித்துள்ளார்.