மதுரையால் சீரழியும் திரையுலகம்

பாலா மதுரை, அமீர் மதுரை இன்னும் பல முன்னணி இயக்குனர்கள் மதுரையைச் சேர்ந்தவர்கள். குறிப்பாக மதுரையை வைத்து மட்டும் படம் பண்ணும் ராசு மதுரவன் என்று எக்கச்சக்க மதுரை இயக்குனர்கள் இருக்கிறார்கள். இன்று தமிழ் திரையுலகம் என்றாலே மதுரைதான் என் மேடையிலேயே இவர்களில் சிலர் தற்புகழ்ச்சி பாடியதுண்டு. ஆனால் தமிழனின் மானத்தை வாங்குகிறவர்களும் அங்குதான் இருக்கிறார்கள்.

அப்படி என்ன விசேஷம்? மதுரை உசிலம்பட்டியைச் சேர்ந்த சில திண்ணைவெட்டி ஆபிசர்கள் ஹன்சிகாவுக்கு கோயில் கட்டப் போகிறார்களாம். நடிப்பு பற்றியே நன்றாக தெரியாத கத்துக்குட்டி ஹன்சிகாவுக்கு கோயில் கட்ட வேண்டும் என்றால் இவர்கள் எத்தனை தூரம் மாங்கா மடையர்களாக இருக்க வேண்டும்? கோயில்கட்ட அனுமதி கேட்டு இந்த வெட்டி ஆபிசர்கள் சிலர் ஹன்சிகாவை அணுகி அனுமதியும் கேட்டிருக்கிறார்கள். சரியான கழிப்பறை வசதியே இல்லாத உசிலம்பட்டியில் ஹன்சிகா போன்ற அரைகுறை நடிகைக்கு கோயில் கட்ட துணியும் இவர்களை என்னவென்பது?

மதுரை புகழ் பேசித்திரியும் இயக்குனர்கள் தங்கள் ஊரின் மறை கழன்ற கேசுகளை திருத்த முயல்வது நலம். மதுரையால் இப்போது தமிழனின் மானமே மலையேறிக் கொண்டிருக்கிறது.
மதுரை தமிழ் திரையுலகம்