சந்தானம், பவர் ஸ்டார் - ஒரு பாடாவதி கூட்டணி

ஹீரோவாக நடிக்கவும் ஆசை, ஹீரோவாக நடித்து காமெடியன் என்ற இப்போதைய தங்க முட்டையிடும் வாத்தை அறுக்கவும் தயா‌‌ரில்லை. இப்படியொரு சிச்சுவேஷனில்தான் பவர் ஸ்டாரை பகடைக்காயாக்கி லட்டு தின்ன திட்டமிட்டிருக்கிறார் சந்தானம்.

கோடிகள் பணம் போட்டு நடிக்கிற உதயநிதி ஸ்டாலினின் படத்திலேயே சந்தானம்தான் ஹீரோவைப் போல் தெ‌ரிகிறார். இந்நிலையில் பவர் ஸ்டாருடன் சந்தானம் நடித்தால்...? சந்தானம் படம் என்று சொல்வார்களா இல்லை பவர் ஸ்டார் சீனிவாசன் படம் என்று சொல்வார்களா...? இது நன்கு தெ‌ரிந்தே சீனிவாசனுடன் சேர்ந்து நடிப்பது என்ற முடிவை எடுத்திருக்கிறார். படத்தின் பெயர், கண்ணா லட்டு தின்ன ஆசையா.

இந்தப் படத்தின் கதையை எழுதியிருப்பது சந்தானத்தின் தலைமையிலான லொள்ளுசபா டீம். சந்தானத்தை ஹீரோவாக காட்டி பவர் ஸ்டாரை பக்க வாத்தியமாக்கியிருக்கிறார்கள். படம் ஓடினால் சந்தானம் படம் என்பார்கள். மண்ணைக் கவ்வினால், பவர் ஸ்டார் சீனிவாசன் படம்.

நகமும் நனையக் கூடாது நத்தையும் எடுக்கணும். ம்... வித்தை தெ‌ரிந்தவர்யா சந்தானம்.