ஆந்திராவில் வாஷ் அவுட்டான சகுனி

ஓவராக பில்டப் கொடுக்கப்பட்ட சகுனி வெளியான மூன்றே நாளில் கலெக்சனில் கரை தட்டியிருக்கிறது.

சென்னை போன்ற பெரு நகரங்களில் மட்டும் படத்திற்கு நல்ல வசூல் தென்படுகிறது. பி மற்றும் சி சென்டர்களில் இப்போதே படம் காற்று வாங்குகிறது. ஆந்திராவில்தான் பயங்கரம்.

பையா, நான் மகான் அல்ல படங்கள் ஆந்திராவில் நல்ல வசூலைப் பெற்றதால் பெல்லம் கொண்ட சுரேஷ் மிகப்பெ‌ரிய தொகைக்கு சகுனியை வாங்கினார் (சுமார் 22 கோடி என்கிறார்கள்). 450 திரையரங்குகளில் படம் வெளியானது. ஆனால் முதல்நாளே தியேட்டர் காலி. ஆந்திராவைப் பொறுத்தவரை படம் அட்டர் பிளாப்.

தமிழகத்திலும் பி, சி சென்டர்கள் அடி வாங்கும் என்கிறார்கள். இந்தப் படம் தோல்வியடைந்ததால் புதிய இயக்குனர்களுக்கு சூர்யாவைப் போல கார்த்தியும் இனி கால்ஷீட் தர மாட்டார். படம் இயக்கும் முயற்சியில் இருக்கும் உதவி இயக்குனர்களின் பிரதான கவலை இப்போது இதுதான்.