முகமூடி ட்ரெய்லர் வெளியீடு

மிஷ்கினின் முகமூடி படத்தின் ஃபர்ஸ்ட் லுக் மற்றும் ட்ரெய்லர் சத்யம் சினிமாஸில் வெளியிடப்பட்டது. மிஷ்கின், ‌ஜீவா, யு டிவி என்று மெகா கூட்டணி என்பதால் அரங்கு நிறைய விஐபி-கள். பேசுகிறேன் பேர்வழி என்று ஜவ்வாக இழுக்காமல் க்யூட்டாக பேசியது பெரும் ஆறுதல்.

ஃபர்ஸ்ட் லுக் மற்றும் ட்ரெய்லரை சூர்யா வெளியிட கௌதம் வாசசுதேவ மேனன் பெற்றுக் கொண்டார். விழாவில் ஆர்.பி.சௌத்‌ரி, தாணு, ஜெயம் ராஜா, கண்ணன், ஜனநாதன், கே.வி.ஆனந்த் உள்பட ஏராளமானோர் கலந்து கொண்டனர்.

‌ஜீவாவின் டேடிகேஷன் குறித்து வியந்து பேசினார் நாசர். அவரும் இந்தப் படத்தில் முக்கிய வேடத்தில் நடித்துள்ளார். படத்தின் வில்லன் நரேனும் விழாவில் கலந்து கொண்டார். நான் நடிக்க வேண்டிய படம். முடியாமப் போச்சு என்று பேசி பாதியிலேயே கழன்று கொண்டார் சூர்யா.

விழாவில் படத்தின் ட்ரெய்லர் வெளியிடப்பட்டது.