கலங்கடித்த ஹா‌ரிஸ்

பொதுவாக ஹா‌ரிஸ் ஜெயரா‌ஜ் ஒரு படத்துக்கு இசையமைத்தால் அந்தப் படத்தின் ‌ரிலீஸ் தேதி அவர் ஒருவரால் மட்டும்தான் தள்ளிப் போகும். பாடலுக்கான டியூன் கொடுக்க அந்தளவுக்கு இழுத்தடிப்பார்.

இன்ப அதிர்ச்சியாக இன்னும் தொடங்கப்படாதப் படத்துக்கு இப்போதே இரண்டு டியூன்கள் தந்திருக்கிறார் என்றால் பார்த்துக் கொள்ளுங்கள். இவரால் இம்சைப்பட்டவர்கள் இந்த‌ச் செய்தி கேட்டு தங்களையே கிள்ளிப் பார்த்துக் கொள்கிறார்கள். கனவா இல்லை நிஜமா?

அந்தப் படம் என்றென்றும் புன்னகை. அகமது இயக்கத்தில் ‌ஜீவா, த்‌ரிஷா நடிக்கும் படம். முகமூடி, நீதானே என் பொன்வசந்தம் படங்களில் பிஸியாக இருக்கும் ‌ஜீவா அவ்விரு படங்களை முடித்த பிறகே என்றென்றும் புன்னகை ஆரம்பமாகும். அதற்கு இன்னும் பல நாட்கள் இருக்கிறது. அதற்குள் இரண்டு டியூன்கள் இந்தப் படத்துக்காக போட்டிருக்கிறார் ஹா‌ரிஸ்.

கத்‌ரினா புயல் ஏதாவது அடிக்கப் போகிறது, ஜாக்கிரதை.