வெளிச்சத்துக்கு வந்த இருட்டறை

சட்டம் ஒரு இருட்டறை ‌ரீமேக்கிலிருந்து ஹீரோ விக்ரம் பிரபுவும், ஹீரோயின் கார்த்திகாவும் விலகிக் கொண்டதால் அந்தப் படமே இருட்டறையானது பழைய கதை. அதனை மீண்டும் வெளிச்சத்துக்கு கொண்டு வந்திருக்கிறார்கள்.

விக்ரம் பிரபுக்குப் பதிலாக தமன் குமார் என்ற புதுமுகத்தை ஒப்பந்தம் செய்திருக்கிறார்கள். கார்த்திகாவுக்குப் பதில் பிந்து மாதவி. படத்தில் நடிக்கும் மற்ற நட்சத்திரங்களான ‌ரீமா சென், பியா போன்றோர் யார் மாறினாலும் நாங்க படத்தில் இருப்போம் என்ற உறுதியுடன் இருக்கிறார்கள்.

எஸ்.ஏ.சந்திரசேகரனின் உறவுக்காரரான சினேகா என்பவர் இந்த ‌ரீமேக்கை இயக்குகிறார். ஓஎம்ஆர் பகுதியில் படப்பிடிப்பு நடந்து வருகிறது. இதில் ‌ரீமா சென்னுக்கு போலீஸ் அதிகா‌‌ரி வேடம். படத்திலிருந்து கழன்று கொள்ளாததற்கு இந்த காக்கி சட்டையும் ஒரு காரணம்.