சட்டம் ஒரு இருட்டறை பெயர் மாறியது

எஸ்.ஏ.சந்திரசேகரன் ஒரு காலத்தில் வெற்றிப்பட இயக்குனர். அந்த ஹேங்ஓவ‌ரில் சுக்கிரன் வியாழன் என்று சில படங்கள் இயக்கினார். மொத்தமும் குப்பை. அவ‌ரின் அப்போதைய ஹிட் சட்டம் ஒரு இருட்டறையை இப்போது ‌ரீமேக் செய்கிறார் சினேகா பி‌ரிட்டோ.

சினேகா பி‌ரிட்டோ எஸ்.ஏ.சி.யின் உறவினர். ஒத்தாசை செய்கிறேன் என்று இவரே படத்தை இயக்க, இது வேலைக்கு ஆகாது என்று படத்தின் ஹீரோ விக்ரம் பிரபு - ஆமாம், கும்கி பட ஹீரோதான் - விலகினார். இது பழைய கதை. இப்போது தமன்குமார் என்பவரை வைத்து படத்தை எடுத்து வருகிறார்கள். ‌ரீமா சென், பிந்து மாதவி, பியா என்று பெண்பால் படத்தில் அதிகம்.

முதல் குளறுபடி முற்றிலும் குளறுபடி ஆகிவிடுமோ என்ற பயத்திலா தெ‌ரியவில்லை, படத்தின் பெயரை தோழன் என்று மாற்றியிருக்கிறார்கள்.

சினேகா பி‌ரிட்டோ இயக்கும் இந்தப் படத்தை விமலா பி‌ரிட்டோ தயா‌ரிக்கிறார்.

ஓ... குடும்பப் படமா?