ரொம்ப எதிர்பார்க்காதீங்க - மிஷ்கின்

தமிழ் முகமூடியை வெளியிடுகிற நேரம் பார்த்தா ஹாலிவுட் முகமூடி ரைஸாக வேண்டும். ஹாலிவுட் முகமூடியையே பார்த்துட்டோம், மிஷ்கின் முகமூடி எந்த மூலைக்கு என்று பிரஸ்ஸிலேயே சிலர் பிரஸ்தாபிக்க ஆரம்பித்திருக்கிறார்கள். இதனை ச‌ரியாக கணித்து பிரஸ்மீட்டில் மிஷ்கின் சொன்னது, அந்த பிரஸ்மீட்டிற்கே கம்பீரமாக அமைந்தது.

கிறிஸ்டோபர் நோலனின் சூப்பர்ஹீரோ படத்தை இதனுடன் ஒப்பிடாதீங்க. இது சின்ன பட்ஜெட்டில் எடுக்கப்பட்ட சின்ன படம். ரொம்ப எதிர்பார்த்து வந்திடாதீங்க என்றார் ஓபனாக. அதேநேரம் படுவேகமான திரைக்கதை, குடும்பத்துடன் பார்க்கக் கூடிய கதையம்சத்துடன் இருக்கும் என்றார்.

முகமூடி படத்தில் வில்லனாக நடிக்க வேண்டும் என்று மிஷ்கின் கேட்டதும் உடனே ஒப்புக் கொண்டாராம் நரேன். ஹீரோவாக நடித்துக் கொண்டிருந்தவனை படுபயங்கர வில்லனாக்கியிருக்கிறேன். அதற்குப் பிராயச்சித்தமாக என்னுடைய அடுத்தப் படத்தை நரேனை ஹீரோவாக வைத்து எடுக்கப் போகிறேன் என்றார்.

எல்லோரும் சொல்வது போல் இந்த கூலிங்கிளாஸ் மனிதருக்குள் இருப்பது குழந்தை மனசுதானோ.