அட்டக்கத்தியின் அடுத்த மூவ்

அட்டக்கத்தி என்ற படத்தைப் பற்றி அடிக்கடி கேள்விப்பட்டிருப்பீர்கள். படத்தின் கிளிப்பிங்ஸை பார்த்தவர்கள் வியந்து போனார்கள், ஞானவேல்ராஜா படத்தைப் பார்த்து அசந்து போய் தனது சொந்த பேன‌ரில் வெளியிடப் போகிறார்...

ஆரம்ப பரபரப்புக்கு பின் அட்டக்கத்தி பற்றி பேச்சே இல்லை. ஞானவேல்ராஜா திட்டமிட்டு படத்தை அமுக்கிவிட்டார் என்றும் கிளப்பிவிட்டார்கள். இதையெல்லாம் கடந்து அட்டக்கத்தி அடுத்த மூவுக்கு வந்திருக்கிறது.

அட்டக்கத்தி படத்தின் பிரஸ்மீட்டில் படத்துக்கு சம்பந்தமில்லாத கார்த்தி, வெற்றிமாறன், பாண்டிரா‌ஜ், ராஜேஷ், வெங்கட்பிரபு என்று எங்கெங்கு நோக்கிலும் பிரபலங்களடா. பிரஸ்மீட் என்ற பெய‌ரில் ஒரு விளம்பர மீட். ஏற்பாடு ஞானவேல்ராஜா. இந்தப் படத்தைப் பார்த்தபோது என்னோட கடந்தகால காலே‌ஜ் லைஃபை பார்க்கிற மாதி‌ரியே இருந்தது என்றார் கார்த்தி. பேசிய அனைவரும் இதனை வெட்டியும் ஒட்டியுமே பேசினர். சுருக்கமாகச் சொன்னால் அட்டக்கத்தி ஒரு பட்டாக்கத்தி.

அட்டக்கத்தி சென்னை கல்லூ‌ரி மாணவர்களைப் பற்றியதாம். பேருந்தை பத்திக் கொண்டு போவது, உருட்டுகட்டையுடன் போருக்கு கிளம்புவது என்று சென்னைக் கல்லூரிகள் சென்ட்ரல் ஜெயிலுக்கு ஆட்களை உற்பத்தி செய்யும் லெவலில் இருக்கிறது. இந்த வைக்கோல் போ‌ரில் அட்டக்கத்தி பெட்ரோல் ஊற்றாமலிருந்தாலே அது பெ‌ரிய வெற்றிதான்.