மறைந்தார் என்னத்தே கண்ணையா

பிரபல நகைச்சுவை நடிகர் என்னத்தே கண்ணையா நேற்று பிற்பகல் இயற்கை எய்தினார். அவருக்கு வயது 87.

1950 ஆம் ஆண்டு வெளியான ஏழை படும்பாடு படத்தில் நகைச்சுவை நடிகராக அறிமுகமான இவர் எம்‌ஜிஆ‌ரின் நம்நாடு உள்பட 250க்கும் மேற்பட்ட படங்களில் நடித்தார். தொட்டால் பூ மலரும் படத்தில் இவர் வடிவேலுவுடன் நடித்த காட்சி மறக்க முடியாது. வரும்... ஆனா வராது என்று இழுத்துக் கொண்டே ஒவ்வொன்றையும் சமாளித்து காரை கவிழ்க்கும் காமெடியை யாராலும் மறக்க முடியாது.

தள்ளாத வயதிலும் நடிப்பை தொடர்ந்த என்னத்தே கண்ணையா நேற்று பிற்பகல் மரணமடைந்தார். அவருக்கு இரு மகன்களும், நான்கு மகள்களும் உள்ளனர். சென்னை ராயப்பேட்டையில் வைக்கப்பட்டிருக்கும் அவருக்கு திரையுலகினர் அஞ்சலி செலுத்தி வருகின்றனர். இன்று மாலை நான்கு மணிக்கு இறுதிச்சடங்கு நடக்கிறது.
காமெடி நடிகர் என்னத்தே கண்ணையா