நான் படத்துக்கு யு/ஏ சான்றிதழ்

விஜய் ஆண்டனி தயா‌ரித்து நடித்திருக்கும் நான் படத்துக்கு சென்சார் யு/ஏ சான்றிதழ் தந்துள்ளது.

நடிக்கவே பல இசையமைப்பாளர்கள் தயங்குகையில் ஹீரோ, தயா‌ரிப்பாளர் என டபுள் டமாக்கா அடித்திருக்கிறார் விஜய் ஆண்டனி. நான் படம்கூட ஆக்சனோ, ரொமான்ஸோ இல்லை, க்ரைம் த்‌ரில்லர். தில்லாக படத்தயா‌ரிப்பில் இறங்கியிருக்கும் இவருக்கு ப‌ரிசாக சன் தொலைக்காட்சி நான் படத்தின் ஒளிபர‌ப்பு உ‌ரிமையை வாங்கியுள்ளது. கோச்சடையான், மாற்றான், விஸ்வரூபம், துப்பாக்கி போன்ற படா படங்களின் ஒளிபரப்பு உ‌ரிமை போட்டியில் கலந்து கொள்ளாத சன் சமீபத்தில் வாங்கிய ஒரே படம் இதுதானாம்.

ஆகஸ்ட் 15 சல்மான்கானின் ஏக் த டைகர் வெளியாகிறது. இந்தமுறை தமிழ்நாட்டிலும் கணிசமான தியேட்டர்களில் படம் வெளியாகிறது. அத்துடன் ஞானவேல்ராஜா வெளியிடும் அட்டக்கத்தி. இந்த கடும் போட்டிக்கு நடுவில் தனது படத்தையும் அதே ஆகஸ்ட் 15 விஜய் ஆண்டனி வெளியிடுகிறார்.

மனுஷன் தில்லு துரைதான்.