அருண் விஜய்யின் டீல்

தமிழ் தவிர்த்து வேறு எந்த மொழியில் பெயர் வைத்தாலும் வ‌ரிச் சலுகை கிடைக்காது என்பது நன்கு தெ‌ரிந்தும் ஆங்கிலத்தில் பெயர் வைப்பவர்களை என்னவென்று சொல்வது? வ‌ரிச் சலுகை இல்லாவிட்டாலும் பரவாயில்லை என்று வைத்த பெயரை மாற்றாமலிருந்தாலாவது பரவாயில்லை. படம் வெளியாகும் நேரத்தில் அதுவரை இருந்த பெயரை மாற்றி தாங்களும் குழம்பி மற்றவர்களையும் குழப்பி...

இந்த நீண்ட புலம்பலுக்கு காரணம், அருண் விஜய்யின் அடுத்தப் படத்தின் பெயர் டீல். பல வருடமாக அருண் விஜய் நடித்தாலும் மலை மலை படம்தான் ஓரளவு சுமாராக ஓடியது. ஓரளவு சுமாரான படம் என்று பெயர் வாங்கியது தடையறத் தாக்க. இதுதான் அருண் விஜய்யின் கே‌ரியர் பெஸ்ட். தடையறத் தாக்க படத்துக்குப் பிறகு அவர் நடிக்கிற படம்தான் டீல்.

ரேனிகுண்டா பன்னீர்செல்வத்தின் அசிஸ்டெண்ட் சிவஞானம் இந்தப் படத்தை இயக்குகிறார். மைனா, கும்கி படங்களின் கேமராமேன் சுகுமார் ஒளிப்பதிவு செய்கிறார். அப்படங்களின் இசையமைப்பாளர் இமான் இசை. செப்டம்ப‌ரில் படப்பிடிப்புக்கு கிளம்பும் இந்த டீம் விரைவில் அறிவிப்பை வெளியிட உள்ளது.