அருண் விஜயுடன் பாடிய எல்.ஆர். ஈஸ்வரி

அருண் விஜய் நடிக்கும் தடயர தாக்க படத்தில் தேபி தத்தா போடும் ஒரு குத்துப்பாடல் இடம்பெறுகிறது. ஏற்கனவே இவர் பானா காத்தாடி, மங்காத்தா போன்ற படங்களில் குத்தாட்டம் போட்டு தமிழ் ரசிகர்களை கதிகலங்க வைத்தவர்தான்.

அருண் விஜய் - தேபி தத்தா போடும் குத்தாட்டப் பாடலை அருண் விஜயுடன் இணைந்து புகழ்பெற்ற பாடகி எல்.ஆர். ஈஸ்வரி பாடி உள்ளார். பூந்தமல்லிதான் புஷ்ப வல்லிதான் என்று துவங்கும் இப்பாடல் ரெக்கார்டிங் சமீபத்தில்தான் நடைபெற்றது.

அருண் விஜயின் தயாரிப்பு நிறுவனம் தயாரிக்கும் இப்படத்தில் இரண்டு ஹீரோயின்கள் உள்ளனர். இன்னும் ஒரு சில நாட்களில் படப்பிடிப்பு முடிவடைந்து அடுத்தகட்ட பணிகள் துவங்க உள்ளன என்கிறார் தேபி தத்தாவுடன் குத்தாட்டம் போட்டு முடித்த அருண் விஜய்.