அருண் விஜய் ஜோடியானார் கார்த்திகா

முதல் படம் நடிப்பதற்கு முன்பு‌ம், கோ வெளிவந்த போதும் அம்மா ராதாவும், மகள் கார்த்திகாவும் காட்டிய அலப்பறைக்கு அளவில்லை. துக்கடா நடிகர்களுடன் நடிக்க மாட்டேன் என்று முன்னணி நடிகர்களுக்கே கடுக்காய் கொடுத்தார்கள். இந்த பில்டப்புக்கு ஏற்ற பேஸ்மெண்ட் கார்த்திகாவிடம் இல்லை என்பது இப்போது நாட்டுக்கே வெட்ட வெளிச்சம். பாரதிராஜாவின் படத்தில் ஆடு மேயத்ததோடு ச‌‌ரி. அப்புறம் யாருமே சீண்டவில்லை. இப்படியே காயப் போட்டால் தங்கமும் கறுக்கும்தானே. கார்த்திகா எம்மாத்திரம்...?

சும்மா வீட்டில் இருப்பதற்கு கிடைக்கிற வேடத்தில் நடிக்கலாம் என்று அருண் விஜய் படத்தில் நடிக்க ஒப்புக் கொண்டிருக்கிறாராம். இவ‌ரின் முந்தையப் படத்தில் நடிக்க ஒப்புக் கொண்ட இந்தி நடிகை பிராய்ச்சி தேசாய் நாலே நாளில் ஓடி எஸ்கேப்பானது வரலாறு.

இந்தப் படத்தையும் அருண் விஜய்யின் மாமனாரே தனது ஃபெதர் டச் நிறுவனம் சார்பில் தயா‌ரிக்கிறார். டீல் என்று படத்துக்கு பெயர் வைத்திருக்கிறார்கள். தமிழில் பெயர் வைக்காவிட்டால் வ‌ரி விலக்கு கிடைக்காது என்பது தெ‌ரிந்தும், வ‌ரி விலக்கு இல்லாத படத்தை திரையரங்கு உ‌ரிமையாளர்கள் வாங்க மாட்டார்கள் என்பது தெ‌ரிந்தும் டீல் என்ற பெயரை வைத்தவர்களை என்னவென்று சொல்வது?

அட ராமா... இவர்கள் எப்போது திருந்தப் போகிறார்கள்.
அருண் விஜய் கார்த்திகா