திருச்செந்தூரில் பிப்.16-ல் மாசி திருவிழா துவக்கம்

திருச்செந்தூர்: திருச்செந்தூர் சுப்பிரமணிய சுவாமி கோயிலில் மாசித்திருவிழா வரும் 16ம்தேதி கொடியேற்றத்துடன் தொடங்குகிறது. காலை 5.30 மணிக்கு கொடியேற்றம் நடைபெறுகிறது. 5ம் திருவிழாவான 20ம்தேதி இரவு 7.30 மணிக்கு சிவன் கோயிலில் குடவருவாயில் தீபாராதனையாகி சுவாமியும், அம்பாளும் தனித்தனியாக தங்கமயில் வாகனங்களில் எழுந்தருளுகின்றனர். 10ம் திருவிழா 25ம்தேதி காலையில் தேரோட்டம் நடக்கிறது. காலை 6.30 மணிக்கு விநாயகர் தேரும், சுவாமி தேரும், அம்மாள் தேரும் இழுக்கப்படுகிறது. 26ம்தேதி இரவில் தெப்ப உற்சவம் நடக்கிறது. 27ம் தேதி மாலை 4.30 மணிக்கு மஞ்சள் நீராட்டு நடக்கிறது. இரவு 9மணிக்கு சுவாமி, அம்மன் மலர்கேடயச் சப்பரத்தில் எழுந்தளுகிறார்.