ஷங்கர் எனது ஃபேன் - பீதி கிளப்பும் பவர் ஸ்டார்

ஜெயிலிலுக்கு போய் திரும்பிய பிறகு வயல் எலி மாதி‌ரியே எது கிடைத்தாலும் கடித்து வைப்பது என்று முடிவு செய்துவிட்டார் தமிழக பவர் ஸ்டார் டாக்டர் சீனிவாசன்.

எனக்கு உலகம் முழுவதும் அம்பது லட்சம் ரசிகர்கள் இருக்கிறார்கள் என்று பூ‌ஜ்‌ஜியத்துக்குதான் மதிப்பு இல்லையே என இஷ்டத்துக்கு புளுகி வந்தவர் அந்த அம்பதில் ஒன்றாக ஷங்கரையும் சேர்த்திருப்பதுதான் காமெடி. ஷங்க‌ரின் ஐ படத்தில் சந்தானத்துடன் சேர்ந்து காமெடி செய்து வருகிறார் பவர். என்ன பெ‌ரிய காமெடி? சந்தானம் இவரை கலாய்த்து தொங்கப் போடப் போறார்.

ஐ படப்பிடிப்பில் ஷங்கர் இவ‌ரிடம் உங்களின் எல்லாப் படத்தையும் பார்த்திடுவேன், நான் உங்க ஃபேன் என்று சொன்னாராம்.

ஐ படத்துக்கு பவரை கமிட் செய்வதற்கு முன்புவரை அவர் நடித்த படத்தின் கிளிப்பிங்ஸை ஷங்கர் பார்த்திருப்பாரா என்பதே சந்தேகம். ம‌ரியாதைக்காக சொன்னதை மாபெரும் அங்கீகாரமாக பறை அடித்துக் கொண்டிருக்கிறார் பவர்.

முக்கியமான விஷயம் சைனாவில் ஷங்கர் பார்த்து வைத்திருந்த பல இடங்களில் படப்பிடிப்பு நடத்த அந்நாட்டு அரசாங்கம் அனுமதி மறுத்திருக்கிறதாம். பவ‌ரின் சைனா டூர் இதனால் பாதிக்கப்படும் என தெ‌ரிகிறது.