ஆடியோ - வீடியோ அலமாரி

இந்த வீடியோ டிவிடி, மஹாபெரியவரின் உபன்யாசத்தை அவரது தெய்வக் குரலிலேயே கேட்கும் பாக்கியத்தை அளிக்கிறது. அதுமட்டுமா, பெரியவரின் அபூர்வமான புகைப்படங்களையும் தரிசித்து மகிழலாம். மகாபெரியவரின் கனகாபிஷேகக் காட்சிகள், பெரியவர் அவதரித்த விழுப்புரம் வீடு, மற்றும் சுற் றுப்புறம் ஆகியவை குறிப்பிடத்தக்கவை. சமஸ்க்ருத கல்லூரியின் முன்னாள் முதல்வர் டாக்டர் கிருஷ்ணமூர்த்தி சாஸ்திரிகள், கடம் வித்வான் விக்குவி நாயகராம் முதலான பல பெரியவர்கள் தாம் பெரியவாளிடம் பெற்ற ஆன்மிக அனுபவங்களை உணர்வு பொங்கக் குறிப்பிட்டுள்ளார்கள். பிரபல ஓவியர் மணியம் செல்வனின் ஓவியங்கள் இடை இடையே இடம்பெற்று மேலும் மெய் சிலிர்க்க வைக்கின்றன.

(வெளியீடு: சரிகம இந்தியா லிமிடெட், விலை ரூ.125/- அனைத்து இசைக் கடைகளிலும் கிடைக்கும்)

ஆடி வறோம் பாடி வறோம் ஐயன் ஐயனே

15 பாடல்கள் அடங்கிய எம்.பி.3 குறுந்தகடு, பிரபல பாடகர்களின் இனிமையான குரல்களில். நெய்யில்...., காந்தமலை...., இருமுடியை...., வானம்...., உன் நாமம்...., சத்தியத்தின்...... என்று மொத்தப் பாடல்களுமே தேனினிமையுடன், தெளிவான உச்சரிப்புடன், கேட்கக் கேட்கத் திகட்டாத தீஞ்சுவையா கப் பரிமளிக்கின்றன. உளுந்தூர்பேட்டை ஷண்முகம், முத்து மாணிக்கம், ராஜ்குமார் ஆகியோர் இந்தப் பாடல்களை பக்தி மணம் கமழ இயற்றியி ருக்கிறார்கள். சாதகப்பறவைகள் சங்கரின் உள்ளமுருக்கும் இசை, இத்தொகுப்பின் கிரீடம்.