வேகமெடுக்கும் இன்ஸ்பிரேஷன் எக்ஸ்பிரஸ்

ஈஸியாக ஏதாவது வெளிநாட்டுப் படத்திலிருந்து காப்பி அடிக்க வேண்டியது, கேட்டால் இன்ஸ்பிரேஷன் என்று அவுத்துவிடுவது. காலங்காலமாக இது நடந்தாலும் இப்போது இந்த இன்ஸ்பிரேஷன் எக்ஸ்பிரஸ் படுவேகமாக செயல்படுகிறது.

சிக்குபுக்கு, உத்தமபுத்திரன் எல்லாம் ஒரு தாய் வயிற்று பிள்ளைகள். ஒரே படத்திலிருந்து அடித்தவை. இந்தி ஜப் வி மெட் படமும் அப்படிதான் போலிருக்கிறது. இதைதான் கண்டேன் காதலை என்று தமிழில் ‌ரீமேக் செய்தார்கள். உத்தமபுத்திரன் சிக்குபுக்கு சாயலை இதில் காணலாம்.

இப்படி இங்கேயே ஒரு கொடியில் பல மலர்கள் பூத்துக் குலுங்குகிற வேளையில் மாற்றான் தோட்டத்து மல்லி ஒன்றும் இந்த‌க் கூட்டணியில் லேட்டஸ்டாக இணைந்துள்ளது.

மராத்தியில் வெளியான படம் மும்பை புனே மும்பை. இந்தப் படத்தை நீ நான் மட்டும் என்ற பெய‌ரில் தமிழில் ‌ரீமேக் செய்கிறார் அறிமுக இயக்குனர் கண்ணன். நாம் முன்பு பார்த்த ஒரு கொடி பல மலர்களின் கதைதான் இதுவும். பிறகு ஏன் இந்தப் படத்தை தேர்ந்தெடுத்தீர்கள் என்றால் மராத்தி படத்தைப் பார்த்து தான் சிக்குபுக்கு, கண்டேன் காதலை எல்லாம் எடுத்தார்கள் என்று புதுக்குண்டு வீசுகிறது நீ நான் மட்டும் யூனிட்.

ரசிகர்களை ஒருவழி பண்ணாமல் விட மாட்டார்கள்.
நீ நான் மட்டும், இயக்குனர் கண்ணன்