செல்வபாரதியின் இன்ஸ்பிரேஷன்

செல்வபாரதி நினைத்தேன் வந்தாய், ஹலோ படங்களை இயக்கும் போது சசிகுமாரும், பாண்டிராஜும் பீல்டிலேயே இல்லை. ஆனால் இந்த இரண்டு பேரும்தான் எனக்கு இன்ஸ்பிரேஷன் என்கிறார் செல்வபாரதி. அதென்ன காமெடி?

பல வருடங்களாக இயக்கத்திலிருந்து விலகியிருந்தவர் காதலை தவிர வேறொன்றுமில்லை என்ற படத்தை இயக்குகிறார். யுவன், சரண்யா மோகன் நடிக்கிறார்கள். மலையாளத்தில் டூட்டோரியல் கல்லூயை பேரலல் காலேஜ் என்பார்கள். சாதாரண கல்லூரியைவிட பேரலல் கல்லூரிக்கு மதிப்பு அதிகம். பேரலல் காலேஜ் மையப்படுத்தி அங்கு ஏராளமான படங்கள் வந்திருக்கிறது. தமிழில் செல்வபாரதியின் இந்தப் படம்தான் முதல் முழுநீள டூட்டோரியல் பின்னணியில் உருவாகும் படம் என்கிறார்கள்.

இந்தப் படத்தின் கதை, திரைக்கதை எழுதி இயக்குவதுடன் ரிஸ்கான தயாரிப்பையும் கையிலெடுத்திருக்கிறார். இந்த மேட்டரில்தான் சசிகுமாரும், பாண்டிராஜும் வருகிறார்கள்.

இயக்குனராக இருந்து இவர்கள் வெற்றிகரமான தயாரிப்பாளராக மாறினார்கள். ஆக, இவர்கள்தான் நான் தயாரிப்பாளராக இன்ஸ்பிரேஷன் என்கிறார் செல்வபாரதி.

சசிகுமார் தனது முதல் படத்தை சொந்தமாக தயாரித்த கதை இவருக்கு தெரியவில்லை போலும். சசிகுமாரை போல நடிக்காமலிருக்கிறாரே அது வரைக்கும் சந்தோஷம்.
சினிமா, செல்வபாரதி, சசிகுமார், தமிழ்