தள்ளிப் போகும் விஸ்வரூபம் இசை வெளியீடு

நவம்பர் 7 நடப்பதாக இருந்த விஸ்வரூபம் இசை வெளியீட்டு விழா மேலும் சில வாரங்களுக்கு தள்ளி வைக்கப்படும் என கமல் அலுவலக வட்டாரம் தெ‌ரிவிக்கிறது.

நவ. 7 கமல்ஹாசனின் பிறந்தநாள் அன்று சென்னை, மதுரை, கோயம்புத்தூர் ஆகிய இடங்களில் இசை வெளியீட்டு விழா நடப்பதாக தீர்மானிக்கப்பட்டது. இந்த மூன்று விழாக்களிலும் கமல் கலந்து கொள்ளும் வகையில் தனி விமானம் ஒன்று அமர்த்தப்பட்டது.

நீலம் புயல் காரணமாக விழாவுக்கு ஏற்பாடு செய்யப்பட்டிருந்த திறந்தவெளி அரங்குகள் சேறும் சகதியுமாகிவிட்டதால் விழா திறந்த வெளியிலிருந்து மூடிய அரங்குக்கு மாற்றப்படும் என தெ‌ரிவித்தனர். என்ன நடந்ததோ, இப்போது விழாவே தள்ளிப் போகும் என்கிறார்கள்.

விஸ்வரூபத்துக்கு ஷங்கர் எசான் லாய் இசையமைத்துள்ளனர்.