சம்மர் ஹாலிடேக்கு தள்ளிப் போகும் சேட்டை

பொங்கல் ‌ரிலீஸ் என போன வருடம் மூன்று படங்களுக்கு விளம்பரம் தந்தார்கள். அலெக்ஸ் பாண்டியன், மத கஜ ராஜா, சேட்டை. இதில் அலெக்ஸ் பாண்டியன் அறிவித்தபடி வெளியாகிறது. விஷாலின் சமர் பொங்கலுக்கு வெளியாவதால் வேறு வழியின்றி மத கஜ ராஜா தள்ளிப் போகிறது. சேட்டை...?

முகமூடி, தாண்டவம் என யுடிவி யின் கடந்த இரு வெளியீடுகளும் அட்டர் ப்ளாப். இதனால் சேட்டையை சேஃபாக வெளியிட நினைக்கிறார்கள். பொங்கல் ட்ராபிக்கில் ஜாமாகி விடுவோமோ என்றொரு பயம். பிப்ரவ‌ரியில் வருவோம் என்றார்கள். பிப்ரவ‌ரியில் பரதேசி, கேடி பில்லா கில்லாடி ரங்கா, டேவிட், மத கஜ ராஜா என்று களை கட்டுகிறது. இது வேலைக்காகாது என்று சம்மர் ஹாலிடேக்கு வர்றோம் என்று ஒரேயடியாக பம்மியிருக்கிறார்கள்.

இந்தியில் இம்ரான்கான் நடிப்பில் வெளியான டெல்லி பெல்லியின் ‌ரிமேக்தான் இந்த சேட்டை. பெயருக்கேற்ப கெட்ட வார்த்தையும் தப்புத்தண்டாவும் தாண்டவமாடும் ஸ்கி‌ரிப்ட்.

இவர்களின் சம்மர் சால்டாவது வொர்க் அவுட்டாகிறதா பார்ப்போம்.