அர்ஜுன், லட்சுமிராய் நடிக்கும் புதிய படம்

அர்ஜுன், லட்சுமிராய் மங்காத்தாவில் நடித்திருந்தார்கள். ஆனால் ஜோடியாக இதுவரை எந்தப் படத்திலும் நடித்ததில்லை. ரசிகர்களுக்கு இது குறையாக தெரிய வாய்ப்பில்லை. ஆனால் இப்போதும் இளமைத் துடிப்புடன் இருக்கும் அர்ஜுனுக்கு குறையாக தெரிந்திருக்க வாய்ப்புள்ளது.

இரண்டு நாட்கள் முன்பு ஏவிஎம் மில் பூஜை. இயக்கம் கோடி ராமகிருஷ்ணா. இன்னும் பெயரிடப்படாத அந்தப் படத்தின் ஹீரோ அர்ஜுன், ஹீரோயின்... இவ்வளவு பில்டப்புக்கும் பிறகும் தெரியாமலா இருக்கும், லட்சுமிராய்.

இதுவொரு ஆக்ஷன் நிறைந்த கமர்ஷியல் படம் என்றார் அர்ஜுன். கோடி ராமகிருஷ்ணா பிறகு பதேர் பாஞ்சாலியா எடுப்பார். கிளாமர் மட்டுமின்றி ஹோம்லியாகவும் இதில் வருகிறேன் என்றார் லட்சுமிராய்.

தமிழ் சினிமாவில் ஹீரோயின் சேலை கட்டி வருவதே ஸ்கூப் நியூசாக மாறியிருக்கிறது. ம்... ஹாலிவுட்டை தொட்டுட்டோம்கிறது இதுதான் போலிருக்கிறது.
அர்ஜுன், லட்சுமிராய், மங்காத்தா