விஜய் முஸ்லீம்களின் தோழன் - எஸ்.ஏ.சந்திரசேகரன்

முஸ்லீம்களின் தோழனாக அடுத்தப் படத்தில் விஜய் நடிப்பார் என நேற்று எஸ்.ஏ.சந்திரசேகரன் தெரிவித்தார்.

துப்பாக்கி படத்துக்கு முஸ்லீம் அமைப்புகள் எதிர்ப்பு தெரிவித்ததைத் தொடர்ந்து நேற்று 24 முஸ்லீம் அமைப்புகளுடன் தயாரிப்பாளர் தாணு, எஸ்.ஏ.சந்திரசேகரன், ஏ.ஆர்.முருகதாஸ் மூவரும் பேச்சுவார்த்தை நடத்தினர்.

அதன் பிறகு பத்திரிகையாளர்களை சந்தித்த அவர்கள், துப்பாக்கி படத்தை யார் மனதையும் புண்படுத்தும் நோக்கத்தில் எடுக்கவில்லை, அப்படி யாருடைய மனதாவது புண்பட்டிருந்தால் அதற்காக வருந்துகிறோம், பகிரங்கமாக மன்னிப்பு கேட்டுக் கொள்கிறோம் என்று தெரிவித்தனர்.

மேலும் சர்ச்சைக்குரிய காட்சிகளை படத்திலிருந்து நீக்கிவிடுவதாகவும் அவர்கள் தெரிவித்தனர்.

அடுத்தப் படத்தில் முஸ்லீமின் நண்பராக விஜய் நடிப்பார் என எஸ்.ஏ.சி. தெரிவித்தார். இந்தப் பேச்சுவார்த்தை சுமுகமாக முடிந்ததால் துப்பாக்கிக்கு ஏற்பட்ட நெருக்கடி முடிவுக்கு வந்துள்ளது.
துப்பாக்கி, சினிமா, விஜய், முஸ்லிம்