தேங்காய் - தக்காளி - பூண்டு தொக்கு

என்னென்ன தேவை?

தேங்காய் - அரை மூடி,
வெங்காயம் - 3,
தக்காளி - 5,
இஞ்சி - 1 துண்டு,
பூண்டு - 10 பல்,
பச்சை மிளகாய் - 3,
மிளகாய் தூள் - ஒன்றரை டீஸ்பூன்,
கடுகு, உளுத்தம் பருப்பு,
சோம்பு - தலா அரை டீஸ்பூன்,
எண்ணெய் - சிறிது,
கறிவேப்பிலை, கொத்தமல்லி - சிறிது,
உப்பு - தேவைக்கேற்ப.

எப்படிச் செய்வது?

தேங்காயைத் துருவவும். கடாயில் எண்ணெய் விட்டு, கடுகு, உளுத்தம் பருப்பு, சோம்பு தாளிக்கவும். வெங்காயம், இஞ்சி, பூண்டு, பச்சை மிளகாய் எல்லாவற்றையும் பொடியாக நறுக்கிச் சேர்க்கவும். கறிவேப்பிலை சேர்க்கவும். தக்காளியை நறுக்கிச் சேர்க்கவும். உப்பு சேர்த்து எல்லாம் வதங்கியதும், மிளகாய் தூள் சேர்க்கவும். பச்சை வாடை போனதும், தேங்காய்த் துருவல் சேர்த்து மறுபடி வதக்கவும். தண்ணீர் சேர்க்க வேண்டாம். எல்லாம் சேர்ந்து சுருள வந்ததும் இறக்கவும். வழக்கமான வெங்காயம், தக்காளி தொக்கு மாதிரி இல்லாமல், இது வித்தியாசமான சுவையில் இருக்கும். சாதத்தில் பிசைந்து சாப்பிடலாம். இட்லி, தோசை, சப்பாத்தி, பூரி என எல்லாவற்றுக்கும் தொட்டுக் கொள்ளலாம்.