துப்பாக்கி இந்தியில் அக்ஷய், ப்ரணித்தா

பிளாஷ்பேக்குடன் ஆரம்பிக்க வேண்டும். 7 ஆம் அறிவுக்குப் பிறகு அக்ஷய் குமாரை வைத்து படம் இயக்கும் முடிவில் அவரை அணுகி கதை சொன்னார் முருகதாஸ். விபுல் ஷக் இந்தப் படத்தை தயாரிப்பதாக ஏற்பாடு.


முருகதாஸ் சென்றவேளையில் ஓ மை காட் எள்பட பல புராஜெக்ட்களில் அக்ஷய் பிஸியாக இருந்ததால் சில மாதங்கள் காத்திருக்கச் சொன்னார்.

7 ஆம் அறிவு தோல்விக்கு உடனடியாக வெற்றி என்ற மருந்து தேவைப்பட்டதால் இந்திக்காக உருவாக்கிய கதையை வைத்து தமிழில் விஜய் நடிப்பில் படத்தை எடுத்தார். துப்பாக்கி உருவானது.

படம் பாக்ஸ் ஆபிஸில் பட்டையை கிளப்புவதைப் பார்த்த அக்ஷய் மற்ற கமிட்மெண்ட்களை தள்ளி வைத்து முருகதாஸுக்கு டிசம்பரிலிருந்து லம்பாக கால்ஷீட் ஒதுக்கியுள்ளார்.

ஏற்கனவே எடுத்த கதை என்பதால் டிசம்பரிலேயே படப்பிடிப்புக்கு கிளம்புகிறார் முருகதாஸ். இதில் காஜல் அகர்வால் நடித்த வேடத்தில் ப்ரணித்தா நடிக்கிறார். தயாரிப்பாளர் அதே விபுல் ஷா.

2013 ல் அக்ஷய் குமாருக்கு சூப்பர்ஹிட் படம் ஒன்று உறுதியாகிவிட்டது.
துப்பாக்கி, விஜய், இந்தி, அட்சய், அக்ஷய்