தெலுங்கில் சிம்புவின் போலீஸ் டைகர்

தெலுங்கில் சிம்பு நடித்த போலீஸ் டைகர் என்ற படம் வெளியாகிறது. போடா போடி, வேட்டை மன்னன், வாலு படங்களுக்கிடையில் இந்த டைகர் எப்படி வந்தது என்று ஆச்ச‌ரியமாக இருக்கும். இதில் ‌ஜீபூம்பா எதுவுமில்லை. ஒஸ்தி படத்தின் தெலுங்கு டப்பிங்தான் இந்த போலீஸ் டைகர்.

தபாங் படத்தை ஒஸ்தி என்ற பெய‌ரில் தமிழில் எடுத்து நாஸ்தி செய்தனர். சிம்பு ஜோடியாக ‌ரிச்சா நடித்திருந்தார். இதே தபாங்கை தெலுங்கில் பவன் கல்யாண், ஸ்ருதிஹாசனை வைத்து ஹ‌ரிஷ் சங்கர் கப்பர்சிங் என்ற பெய‌ரில் ‌ரீமேக் செய்து சூப்பர் ஹிட்டாக்கினார். அதாவது ஒஸ்தி கதை தெலுங்கில் ஏற்கனவே வெளிவந்து சூப்பர் ஹிட்டாகியிருக்கிறது.

அப்படியிருக்க தமிழில் ப்ளாப்பான அதே கதையுள்ள ஒஸ்தியை ஏன் தெலுங்கில் வெளியிடுகிறார்கள் என்பது மில்லியன் டாலர் நஷ்டத்தை உண்டாக்கும் கேள்வி.
ஒஸ்தி, போலீஸ் டைகர், சிம்பு