டிசம்பரில் கிளைமாக்ஸ்

மம்முட்டி, மோகன்லால் படங்களுக்கு இருக்கும் எதிர்பார்ப்பு கிளைமாக்ஸ் படத்துக்கு இருக்கிறது. கிளைமாக்ஸ் சனா கான் நடிக்கும் படம். சில்க் ஸ்மிதாவின் வாழ்க்கையை பின்னணியாகக் கொண்டு இந்தப் படத்தை கலூர் டென்னிஸ் எழுதியுள்ளார்.

இந்தியில் சில்க் ஸ்மிதாவின் கதையை பின்னணியாக வைத்து எடுத்த டர்ட்டி பிக்சர் பெரிய வெற்றியை பெற்றதால் தென்னிந்திய மொழிகள் அனைத்திலும் சில்க் ஸ்மிதாவின் கதைக்கு கடும் கிராக்கி ஏற்பட்டது. இறுதியில் மலையாளத்தில் மட்டும் சில்க்கின் கதை படமாக்கப்பட்டது. கிளைமாக்ஸ் என்ற பெயரில் அனில் இயக்கியிருக்கும் இந்தப் படத்தை நவம்பரில் வெளியிடுவதாக திட்டம். அதில் சின்ன சறுக்கல்.

பிக் பாஸ் சீசன் 6 ல் சனா கான் கலந்து கொண்டுள்ளார். இதனால் கிளைமாக்ஸ் படத்தின் பிரமோஷன் எதிலும் அவர் கலந்து கொள்ளவில்லை. படத்தின் முக்கிய நடிகை இல்லாமல் எப்படி படத்தை விளம்பரப்படுத்துவது?

சனா கான் தனது பிக் பாஸ் கமிட்மெண்டை முடித்த பிறகு படத்தின் வெளியீட்டை வைத்துக் கொள்ளலாம் என நவம்பர் ரிலீஸை டிசம்பருக்கு தள்ளி வைத்துள்ளனர். இது ஜனவரிக்கு ஷிப்ட்டானாலும் ஆச்சரியம் இல்லை என்கிறார்கள்.

நடிகை ஸ்ரீவித்யாவின் கதையை திரக்கதா என்ற பெயரில் மலையாளத்தில் படமாக எடுத்தனர். ப்ரியாமணி நடித்த அந்தப் படம் பெரிய வெற்றியை பெற்றதுடன் பல விருதுகளையும் வாங்கியது. கிளைமாக்ஸின் மீதான எதிர்பார்ப்புக்கு இதுவும் ஒரு காரணம்.
டிசம்பர் கிளைமாக்ஸ், மம்முட்டி, மோகன்லால்