பீட்சாவை பாராட்டிய பாட்ஷா

இதென்னடா பீட்சா பாட்ஷான்னுகிட்டு என்று கோவப்படாதீங்க. ஒவ்வொரு முறையும் ரஜினி பாராட்டினார்னு எழுதுறது ரொம்பவே போரடிக்க ஆரம்பிச்சிடுச்சி.

கோச்சடையான் போஸ்ட் புரொடக் ஷன் வேலைகள் நடப்பதால் சூப்பர் ஸ்டார் முழு ஓய்வில் இருக்கிறார் போலிருக்கிறது. இல்லாவிட்டால் துப்பாக்கி இரண்டுவாட்டி பார்த்திருப்பாரா.

அப்படியே பீட்சாவையும் பார்த்திருக்கிறார். படத்தின் கடைசி நிமிடங்கள் எல்லோரையும் போல ரஜினியையும் அசத்தியிருக்கிறது. அப்புறமென்ன... போடுடா போனை என்று இயக்குனர் கார்த்திக் சுப்புராஜ் தொடர்பு கொண்டு அசத்திட்டீங்க என்று ஒரு ரவுண்ட் வாழ்த்தியிருக்கிறார். ஏற்கனவே பாராட்டு போதையில் இருந்தவருக்கு காஸ்ட்லி காக்டெயில் குடித்த மாதிரி கண்கள் சொருகியிருக்கிறது.

ஆனந்த விகடன் மார்க் மாதிரி ரஜினி பாராட்டும் ட்ரேட் மார்க் ஆயிடும் போலிருக்கே.