நடிகரின் மேடையில் நாஞ்சில் சம்பத்

வைகோ-வுடன் மல்லுக்கட்டும் மதிமுகவின் கொள்கை பீரங்கி நாஞ்சில் சம்பத்தின் அடுத்த மேடை ஒரு நடிகருக்குரியது என்றால் நம்ப முடிகிறதா? வெயிட்... வெயிட்... அந்த நடிகரின் பெயர் விஜயகாந்த் கிடையாது.

அரசியலை விட்டு வந்தால் நான் இப்போதிருப்பதைவிட பெ‌ரிய இடத்துக்கு வருவேன், என்னால் எந்த மேடையிலும் ஜொலிக்க முடியும் என்றெல்லாம் சம்பத் சாடியதைப் பார்த்தவர்களுக்கு அது எந்த மேடையாக இருக்கும் என்ற ஆவல் பிறந்ததில் வியப்பில்லை. சம்பத் சொன்ன அந்த மேடை...

டிசம்பர் 12 ஆம் தேதி ரஜினி ரசிகர்கள் பிரமாண்ட விழா எடுக்கிறார்கள். வழக்கம்போல ரஜினியோ அவரது குடும்பமோ இதில் கலந்து கொள்ளப் போவதில்லை. அதெல்லாம் ஒரு பிரச்சனையா? இந்தமுறை அன்னதானம், தேர் இழுப்பு, பென்சில் விநியோகத்துடன் பட்டிமன்றமும் நடத்துகிறார்கள். ரஜினிதான் மையக் கருத்து. இந்த பட்டிமன்றத்துக்கு நடுவராக இருக்கப் போகிறவர் நம் நாஞ்சில் சம்பத்தார்.

அட, அவ்ளோ சவுண்ட் விட்டது இந்த மேடையை மனதில் வைத்துதானா?
ரஜினி பிறந்தநாள், நாஞ்சில் சம்பத்