இந்திக்கு செல்லும் நயன்தாரா படம்

அறிமுகமான லீடர் தவிர்த்து ராணா நடித்த எந்தப் படமும் வெற்றிபெறவில்லை. ஒன்றிரண்டு இந்திப் படங்களில் நடித்து அதுவும் தேறவில்லை. குறிப்பாக ராம் கோபால் வர்மாவின் டிபார்ட்மெண்ட்.

நவம்பர் 30 அதாவது இன்று ராணாவின் கிருஷ்ணம் வந்தே ஜகத்குரும் வெளியாகிறது. இது நிச்சயம் வெற்றிபெறும் என்ற நம்பிக்கை ஆந்திரா முழுவதும். காரணம் படத்தை இயக்கியிருக்கும் க்‌ரிஷ். இவ‌ரின் முந்தையப் படங்கள் அனைத்தும் சூப்பர்ஹிட். இதுவும் வெற்றி பெறும் என்ற நம்பிக்கையில் தமிழில் இந்தப் படத்தை ஓங்காரம் என்ற பெய‌ரில் வெளியிடுகின்றனர்.

இந்தியில் ராணாவுக்கு ஓரளவு அறிமுகம் இருப்பதால்.... வெயிட். இந்த கதைக்கும் நயன்தாராவுக்கு என்ன சம்பந்தம் என்று சொல்லவில்லையே. இந்தப் படத்தில் நயன்தாரா ஹீரோயின். நெருக்கமாகவும் கவர்ச்சியாகவும் நடித்திருக்கிறார். படத்தில் இவர் ஒரு ஜர்னலிஸ்ட்.

பேக் டு தி பாயிண்ட். ராணாவுக்கு இந்தியில் ஓரளவு அறிமுகம் இருப்பதால் இந்தியிலும் படத்தை டப் செய்து வெளியிட உள்ளனர். இந்தியில் வெளியாகவுள்ள நயன்தாராவின் முதல் படம் இது என்பது முக்கியமானது.