ஷங்க‌ரின் ஐ படத்தின் கதை

இரண்டு ஷெட்யூல்களை முடித்து மூன்றாவது ஷெட்யூலை சென்னையில தொடங்குகிறார் ஷங்கர். ஆஸ்கர் ஃபிலிம்ஸ் தயா‌ரிப்பில் விக்ரம், எமி ஜாக்சன் நடித்து வரும் இந்தப் படத்தின் முந்தைய ஷெட்யூல் சைனாவில் நடந்தது.

ஷங்கர் படங்களின் பிரமாண்டமும், சண்டைக் காட்சிகளின் பிரமிப்பும் நாம் அறிந்ததே. முதல் ஷெட்யூ‌லில் சென்னையில் ஒரு பாடல் காட்சியும், சண்டைக் காட்சி ஒன்றும் படமாக்கப்பட்டதாக‌த் தெ‌ரிவிக்கிறார்கள். ஹாலிவுட்டின் மேட்‌ரிக்ஸ் போன்ற ஆக்சன் படங்களுக்கு சண்டைக் காட்சிகள் அமைத்த Yuen Woo Ping ஐ படத்தின் சண்டைக் காட்சிகளை அமைக்கிறார்.

ஐ படத்தின் கதை பற்றி பல்வேறு யூகங்கள்.

எமி ஜாக்சனுக்காக கட்டுமஸ்தாக உடம்பை உருவாக்கும் விக்ரம் அப்படியே தனது உடல் வலிமையை வைத்து ஒலிம்பிக்கில் கலந்து மெடல் வாங்குவதாக செல்கிறதாம் ஐ படத்தின் கதை. ஆனால் இது உறுதி செய்யப்படாத தகவல்.

ஐ படத்துக்காக கடுமையான உடற்பயிற்சி செய்து சிக்ஸ் பேக் வைத்திருக்கிறார் விக்ரம் என்பது மட்டும் நூறு சதவீதம் உண்மை.
ஷங்கர், ஐ, விக்ரம், எமி ஜாக்சன்