மீண்டும் பாக்யராஜ்

ஒருகாலத்தில் திரைக்கதை மன்னன் என்று கொண்டாடப்பட்ட பாக்யராஜின் சமீபத்திய முயற்சிகள் எதுவும் ரசிகர்களை தொடவில்லை. மகளை நாயகியாக்கி எடுத்த பாரிஜாதம் பரவாயில்லை. மகன் சாந்தனுக்காக எடுத்த சித்து பிளஸ் டூ அட்டர் பிளாப். திரைக்கதை மன்னனா இதனை எழுதினார் என்று அனைவரையும் புலம்ப வைத்தது.

தன்னை மீண்டும் நிரூபிக்கும் வகையில் தனது ஏரியாவான காமெடியை களமாக்கி ஒரு ஸ்கிரிப்டை தயார் செய்திருக்கிறாராம் பாக்யராஜ்.

முந்தைய தப்பை இம்முறையும் செய்ய அவர் தயாராகயில்லை. அதாவது மகளையோ, மகனையோ இதில் நடிக்க வைக்கும் ஐடியா அவருக்கு கிடையாது. அனேகமாக கார்த்தி நடிப்பார் என்கிறார்கள்.

கார்த்தியின் ஆக் ஷன் படமான அலெக்ஸ்பாண்டியன் பொங்கலுக்கு வெளியாகிறது. அடுத்து வெங்கட்பிரபுவின் பிரியாணி. அதையடுத்து ராஜேஷின் ஆல் இன் அழகுராஜா. இந்தப் படங்களுக்குப் பிறகு அவர் பாக்யராஜின் இயக்கத்தில் நடிக்கக்கூடும் என்கிறார்கள்.