டிச. 20 சமுத்திரக்கனி படம்

இயக்குனர், நடிகர் என்று சுழன்றடிக்கும் சமுத்திரக்கனியின் கரங்கள் தமிழைத் தாண்டி மலையாளம், தெலுங்கு, கன்னடம் என நீள்கிறது. மலையாளத்தில் நடிகராக அறியப்படும் இவ‌ரின் புதிய படமான ஹிட் லிஸ்ட் விரைவில் தமிழில் வெளியாகிறது. அதேநேரம் இவரது இயக்கத்தில் உருவான படம் இம்மாதம் 20ஆம் தேதி திரைக்கு வருகிறது.

கன்னடத்தில் புனித் ரா‌ஜ்குமாரை வைத்து சமுத்திரக்கனி ஒரு படத்தை இயக்கியுள்ளார். Yaari Koogadali என்ற அந்தப் படம் வரும் 20ஆம் தேதி திரைக்கு வருகிறது. சமுத்திரக்கனி தமிழி‌ல் அறியப்படும் இயக்குனர்களில் ஒருவர் என்பதாலும் அவ‌ரின் முதல் படம் என்பதாலும், நடித்திருப்பது கன்னட சூப்பர் ஸ்டார் புனித் என்பதாலும் படத்துக்கு மிகப்பெ‌ரிய எதிர்பார்ப்பு உள்ளது.

புனித் ரா‌ஜ்குமாரைப் போல டெடிகேட்டான நடிகரை பார்ப்பது அ‌ரிது. அவரது திறமைக்கு கர்நாடகத்துக்கு உள்ளேயும், வெளியேயும் இன்னும் மிகப்பெ‌ரிய இடத்துக்கு வருவார் என இடவலம் பார்க்காமல் புகழ்ந்து தள்ளியிருக்கிறார் சமுத்திரக்கனி.

முதல் படம் வெளியாவதற்கு முன் இன்னொரு கதையை சொல்லி அதில் நடிக்கவும் புனித் ரா‌ஜ்குமா‌ரின் சம்மதத்தை வாங்கியிருக்கிறாராம் கனி.
சமுத்திரக்கனி, புனித் ராஜ்குமார்