சமுத்திரக்கனி,யுவன் நடிக்கும் “சாட்டை”

“மைனா” படத்தை தொடர்ந்து ஷாலோம் ஸ்டூடியோஸ் சார்பில் இயக்குனர் பிரபுசாலமன் வழங்க ஜான்மேக்ஸ் தயாரிக்கும் படத்திற்கு “சாட்டை” என்று பெயரிட்டுள்ளனர்.

இதில் கதை நாயகனாக சமுத்திரகனி, இளம் நாயகனாக யுவன் நடிக்கின்றனர். கதாநாயகியாக மகிமா அறிமுகமாகிறார். மற்றும் தம்பி ராமய்யா, கோபி பீம்சிங் இவர்களுடன் பள்ளி மாணவ-மாணவிகள் 500 பேர் நடிக்கிறார்கள்.

சமுத்திரகனி பள்ளி ஆசிரியராக வருகிறார். அதற்கான சிறப்பு பயிற்சியாக தனக்கு தெரிந்த ஆசிரியர்களிடம் சில விஷயங்களை கேட்டறிந்துள்ளார்.

யுவன் நடிப்பு பயிற்சியுடன், உடற்பயிற்சியிலும் அக்கறைக்காட்டி தயார்படுத்திக் கொண்டிருக்கிறார்.

பிரபல இயக்குனர் பீம்சிங் மகன் கோபி பீம்சிங் முதன் முறையாக நடிகராக களம் இறங்குகிறார். இப்படத்திற்கான கதைக்களம் பள்ளியை அடிப்படையாகக் கொண்டது என்பதால் ஒவ்வொரு பள்ளிக் கூடத்திற்கும் போய் அங்கு நடப்பவற்றை காட்சிகளாக் குகின்றனர்.

ஒளிப்பதிவு: ஜீவன், இசை: இமான், பாடல்: யுகபாரதி, எடிட்டிங்: எல்.வி.கே.தாஸ், தயாரிப்பு: நிர்வாகம்: சதீஸ், தயாரிப்பு மேற்பார்வை: செந்தில், கதை திரைக்கதை, வசனம், டைரக்ஷன்: அன்பழகன்.