மீண்டும் இணையும் சமுத்திரக்கனி-சசிகுமார்

சமுத்திரக்கனியும், சசிகுமாரும் தமிழ் சினிமாவில் நீண்ட நாட்களாகவே நண்பர்களாக இருந்து வருகின்றனர். ‘சுப்பிரமணியபுரம் படத்தில் சமுத்திரக்கனியை நடிகராக சசிகுமார் அறிமுகப்படுத்தியதற்கு பிரதிபலனாக, சமுத்திரக்கனி தன்னுடைய இயக்கத்தில் வெளியான ‘நாடோடிகள்’ படத்தில் சசிகுமாரை நடிக்க வைத்தார். இருவரும் ஒருவர் படத்தில் மற்றொருவர் நடித்து தங்கள் நட்பை மேலும் பலப்படுத்திக் கொண்டனர்.

இந்நிலையில், இருவரும் சண்டை போட்டுக் கொண்டதாகவும், இனிமேல் ஒருவர் படத்தில் மற்றொருவர் நடிக்கப் போவதில்லை எனவும் கிசுகிசுக்கப்பட்டு வந்த. நிலையில், தற்போது மீண்டும் ஒரு புதிய படமொன்றில் நடிக்கவுள்ளனர் என்ற செய்தி கோலிவுட்டில் பரபரப்பை ஏற்படுத்தியுள்ளது.

சமுத்திரக்கனி தற்போது ‘ஜெயம்’ ரவி நடிக்கும் ‘நிமிர்ந்து நில்’ படத்தை இயக்கிக் கொண்டிருக்கிறார். சசிகுமார் ‘குட்டிப்புலி’ படத்தில் மும்முரமாக இருக்கிறார். இருவரும் இப்படங்களை முடித்துவிட்டு இந்த புதிய படத்தில் இணைவார்கள் என தெரிகிறது.

ஏற்கெனவே இவர்கள் கூட்டணியில் வந்த படங்கள் வெற்றியைக் குவித்துள்ளன. இந்த நிலையில் மீண்டும் இவர்கள் இணைவது திரையுலகில் எதிர்பார்ப்பை ஏற்படுத்தியுள்ளது.