ட்ராஃபிக் 'ஜாம்' செய்வாரா சூர்யா?

மலையாளத்தில் வெற்றி பெற்ற ட்ராஃபிக் படத்தை தமிழில் சென்னையில் ஒருநாள் என்ற பெயரில் ராதிகாவின் ராடன் நிறுவனம் தயாரித்து வருகிறது. சரத்குமார் முக்கியமான வேடத்தில் நடிக்கிறார். அவருடன் பிரகாஷ்ரா‌ஜ், சேரன், பிரசன்னா என்று அரை டஜன் நடிகர்கள் இருக்கிறார்கள்.

படத்தின் கதையை சரத்குமாருக்கு ஏற்ப மாற்ற வேண்டும் என்று சொன்னதால் மலையாளம் ஒரிஜினலை இயக்கியவர் தமிழை இயக்க முடியாது என இந்தி ‌ரீமேக்குக்கு ஓடினார். இப்போது மீண்டும் படத்தின் கதையில் கை வைக்க திட்டமிட்டிருக்கிறார்கள்.

படத்தின் ஸ்டார் வேல்யூவை அதிகரிக்க முன்னணி நடிகர்களை ஏதாவது துக்கடா சீனில் தலைகாட்ட வைப்பது மரபாக வருவதுதான். இந்தப் படத்தில் சூர்யாவை அப்படியொரு தேவையில்லாத சீனில் நடிக்க வைக்க திட்டமிட்டுள்ளதாக செய்திகள் தெரிவிக்கின்றன.

ஏற்கனவே ட்ராபிக்கில் அரை டஜன் நடிகர்கள் இருக்க, சூர்யாவும் சேர்ந்து ஜாம் பண்ணாமலிருந்தால் நல்லது.
ட்ராஃபிக், சரத்குமார், சூர்யா