திட்டமிட்டபடி டி.டி.ஹெச்

விஸ்வரூபம்’ படத்தை டி.டி.ஹெச் முறையில் வெளியிட எத்தனை விதமான எதிர்ப்புகள் வந்தாலும், தான் திட்டமிட்டபடி ஜனவரி 10- ஆம் தேதி வெளியிட்டே தீருவேன் என்பதில் உறுதியோடு இருக்கிறார் கமல்.
தியேட்டர் அதிபர்கள் மத்தியில் கடும் எதிப்பு வந்தாலும், பெரும்பாலான சினிமாக்காரர்களின் ஆதரவு அதிகரித்துக் கொண்டுதான் வருகிறது. ஒவ்வொரு சினிமா சங்கத்தினர்களையும் கமல் அழைத்து பேச, அவர்கள் அனைவரும் ஒத்துழைப்பு தருவதாக கூறியிருக்கின்றனர்.
இதில், தென்னிந்திய வர்த்தக சபை, தமிழ்நாடு தயாரிப்பாளர்கள் கவுன்சில், ‘பெப்சி’, இயக்குனர்கள் சங்கம், தென்னிந்திய நடிகர் சங்கம், கோவை, ஈரோடு, திருப்பூர், நீலகிரி மாவட்ட தியேட்டர் உரிமையாளர்கள் சங்கம். என ஆதரவு பெருகிவருகிறது. இதனால் சன் டைரக்ட், ஏர்டெல், டிஷ்டெட், பிக், வீடியோகான் ஆகிய டி.டி.ஹச் சேனல்களில் ‘விஸ்பரூபம்’ வெளியாகிறது.