தமிழில் காக்டெயில்...?

மலையாளத்தில் வெளியான படங்கள் வேகமாக தமிழில் ரீமேக் ஆகி வருகிறது. ஆர்டினரி, ட்ராஃபிக், சால்ட் அண்ட் பெப்பர் ஆகிய படங்களின் ரீமேக் அண்டர் புரெடக்சனில் உள்ளது. இந்த எண்ணிக்கை இந்த வருடம் மேலும் அதிகரிக்க வாய்ப்புள்ளது.


ஸ்பெஷல் பவுண்ட் என்ற நிறுவனம் 2010ல் வெளியான மலையாளப் படம் காக்டெயிலை தமிழில் ரீமேக் செய்ய உத்தேசித்துள்ளது. அருண் குமார் இயக்கிய இந்தப் படத்தில் ஜெய்சூர்யா, அனுப் மேனன், சம்விருத்த சுனில், பகத் பாசில் உள்ளிட்டவர்கள் நடித்திருந்தனர்.

இந்தப் படத்தை தமிழில் ரீமேக் செய்வதென்றால் மலையாளப் படத்தின் ரீமேக் ரைட்ஸ் தேவையில்லை. பணம் தராமலே இதனை ரீமேக் செய்யலாம். அப்படியே பிரச்சனை வந்தாலும் ஹாலிவுட்டிலிருந்துதான் வரும்.

2007ல் மைக் பார்கர் இயக்கத்தில் பியர்ஸ் பிராஸ்னன், ஹெரால்ட் பட்லர் நடித்த பட்டர்ஃபிளை ஆன் ஏ வீல் படத்தை சுட்டுதான் காக்டெயில் படத்தை எடுத்தனர் என்பது குறிப்பிடத்தக்கது. தமிழ் ரீமேக்குக்கு நல்ல இரு ஹீரோக்களை தேடிக் கொண்டிருக்கிறது ஸ்பெஷல் பவுண்ட் நிறுவனம்.