தமிழில் ரீமேக் ஆகும் ‘காக்டெயில்’

மலையாள படங்களை தமிழில் ரீமேக் செய்யும் வழக்கம் தமிழ் சினிமாவில் சமீபகாலமாக பெருகி வருகிறது. தமிழில் ‘காவலன்’ என்ற பெயரில் விஜய் நடித்து பெரிய வெற்றியை தந்த படம் மலையாள படமான ‘பாடிகார்ட்’ என்ற படத்தின் ரீமேக்தான்.

அதேபோல், மலையாளத்தில் எடுக்கப்பட்ட ‘டிராபிக்’ என்ற படமும் தமிழில் ‘சென்னையில் ஒரு நாள்’ என்ற பெயரில் உருவாகி வருகிறது. இப்படத்தில் ராதிகா, சரத்குமார், பிரகாஷ்ராஜ், பிரசன்னா, சேரன், மல்லிகா ஆகியோர் நடிக்கின்றனர். இப்படத்திற்கும் எதிர்பார்ப்பு பெருகியுள்ளது.

இந்நிலையில், மீண்டும் ஒரு மலையாள படத்தை தமிழ் எடுக்க திட்டமிட்டுள்ளனர். மலையாள படவுலகில் மாபெரும் வெற்றி பெற்ற ‘காக்டெயில்’ என்ற திரைப்படம்தான் தமிழில் உருவாக இருக்கிறது. இப்படத்தில் தெலுங்கு நடிகர் ரணதீர், ராதிகா ஆப்தே ஆகியோர் நடிக்கின்றனர்.

படத்தின் தலைப்பு மற்றும் பிற தொழில்நுட்ப கலைஞர்கள் தேர்வு நடைபெற்று வருகிறது. மலையாளத்தில் தயாரித்த ஸ்பெல்பவுண்டு பிலிம் படநிறுவனம்தான் தமிழிலும் தயாரிக்கிறது