விஸ்வரூபம் பார்க்க வெளிமாநிலங்களுக்கு பாயும் ரசிகர்கள்

இன்று விஸ்வரூபம் உலக அளவில் வெளியாகிறது - தமிழகம், புது‌ச்சே‌ரி நீங்கலாக. இரண்டுமுறை ‌ரிலீஸ் தேதியை தள்ளி வைத்ததால் படத்தைப் பார்க்கும் கட்டுக்கடங்காத ஆவலை ஒவ்வொரு ரசிக‌ரிடமும் பார்க்க முடிகிறது.

தமிழகத்தில்தான் படத்துக்கு தடை. ஆந்திரா, கேரளா, கத்நாடகாவில் தடை இல்லை. இதன் காரணமாக இந்த மாநிலங்களின் எல்லைப் பகுதியில் வசிக்கும் ரசிகர்கள் படத்தைப் பார்க்க பக்கத்து மாநிலங்களுக்கு படையெடுத்துள்ளனர். படத்தைக் குறித்த கான்ட்ரவர்ஸியான விஷயங்கள் கமல் ரசிகர்கள் அல்லாதவர்களிடமும் முதல்நாள் படத்தைப் பார்க்கும் ஆவலை‌த் தூண்டியிருப்பதை பார்க்க முடிகிறது.

பிரேம்‌ஜி அமரன் விஸ்வரூபத்தைப் பார்ப்பதற்காக மலேசியா செல்லவுள்ளதாக தெ‌ரிவித்துள்ளார். இந்நேரம் அவர் ஃபிளைட் ஏறியிருக்கக்கூடும். அதேபோல் தயாநிதி அழகி‌ரி பெங்களூருக்கு செல்வதாக‌த் தெ‌ரிவித்துள்ளார். இவர்கள் தவிர்த்து மேலும் பல திரை பிரபலங்கள் விஸ்வரூபத்தை பார்ப்பதற்காக வெளிநாடுகளுக்கும், வெளிமாநிலங்களுக்கும் கிளம்பியுள்ளனர்.