சினிமாவில் ஜுவாலா கட்டா

பேட் மின்டன் வீராங்கனை ஜுவாலா கட்டாவை எப்படியாவது சினிமாவுக்குள் கொண்டு வர வேண்டும் என்ற சினிமாக்காரர்களின் ஆசை நிறைவேறியிருக்கிறது.

இந்திய பேட் மின்டன் ப்ளேயரான ஜுவாலா கட்டாவின் அழகு பேட் மின்டன் மைதானத்தைத் தாண்டியும் மிகப்பிரபலம். அவரது திறமையைவிட அழகை கொண்டாடுகிறவர்களின் எண்ணிக்கை அதிகம். அவரை சினிமாவில் நடிக்க வைக்க பலரும் முயன்றனர். ஜுவாலாவுக்கும் அதில் விருப்பம்தான். ஆனால்...

எனக்கு பேட் மின்டன்தான் முதன்மையானது, அதில்தான் கவனம் வைத்துள்ளேன். விளையாட்டிலிருந்து ரிட்டையர்ட் ஆன பிறகு சினிமாவில் நடிப்பது பற்றி யோசிப்பேன் என தொரிவித்திருந்தார். இப்படி பேசி ஒரு மாதம் ஆகவில்லை தெலுங்குப் படமொன்றில் ஒரு பாடலுக்கு ஆடியுள்ளார்.

படத்தின் தயாரிப்பாளரும், நடிகரும் என்னுடைய நண்பர்கள் அதனால் ஒரு பாடலுக்கு ஆடிதான் பார்ப்போமே என்று நடித்துவிட்டேன். ஆனாலும் பேட் மின்டன்தான் எனக்கு முக்கியம், ஓய்வுக்குப் பிறகும் பேட் மின்டன் தொடர்பான விஷயங்களில்தான் முழுக்கவனம் செலுத்துவேன், அதேநேரம் நல்ல வாய்ப்புகள் வந்தால் நடிக்கவும் செய்வேன் என்று தொரிவித்துள்ளார்.

ஜுவாலா கட்டாவை இனி மைதானத்துக்கு வெளியேதான் அதிகம் பார்க்க முடியும் என்றே தோன்றுகிறது.