வனயுத்தம் - வெளியே வந்த பூனைக்குட்டி

வனயுத்தம் படத்தில் என்னையும் எனது கணவர் வீரப்பனையும் தவறாக சித்த‌ரித்திருக்கிறார் இயக்குனர் ரமேஷ் என்று சொல்லித்தான் வீரப்பன் மனைவி முத்துலட்சுமி கோர்ட்டுக்கு சென்றார். ஆனால் அவரது நோக்கம் படமல்ல பணம் என்பது இப்போது தெ‌ளிவாகியிருக்கிறது.

வனயுத்தம் படம் முடிந்த பிறகும் வெளிவராமல் நீண்ட நாட்கள் பெட்டிக்குள் கிடந்தது. முத்துலட்சுமி இயக்குனர் ரமேஷிடம் ஒன்றரை கோடி பணம் கேட்டிருந்தார். ஒன்றரை கோடி தந்தால் எந்த எதிர்ப்பும் தெ‌ரிவிக்கப் போவதில்லை என்று பேச்சு.

ஆனால் ஏற்கனவே படம் தயா‌ரித்த வகையில் கடனாளியாக இருந்த ரமேஷால் அந்த டீலுக்கு உடன்பட முடியவில்லை. இதனை நாம் ஏற்கனவே செய்தியில் தெ‌ரிவித்திருந்தோம். இந்த ரகசிய டீல் உண்மைதான் என்று இப்போது ரமேஷே தெ‌ரிவித்துள்ளார்.

ரமேஷ் ஒன்றரை கோடிக்கு சம்மதிக்காததால் விஷயம் கோர்ட்டுக்குப் போனது. கோர்ட் முத்துலட்சுமிக்கு நஷ்டஈடாக 25 லட்சம் தர உத்தரவிட்டது. இதற்கு ரமேஷ் உடன்பட்டதால் படம் வெளியாகி பரவலான வரவேற்பை பெற்றிருக்கிறது. இந்நிலையில் முத்துலட்சுமியால் முன் வைக்கப்பட்ட ஒன்றரை கோடி ரூபாய் டீல் குறித்து வாய் திறந்திருக்கிறார் ரமேஷ். அவர் சொன்ன பிறகே ஒன்றரை கோடி மேட்டர் பலருக்கும் தெ‌ரிய வந்துள்ளது.

வாழ்ந்தாலும் ஆயிரம் பொன் வீழந்தாலும் ஆயிரம் பொன் என்பது இதுதானோ?
வனயுத்தம், முத்துலட்சுமி, ரமேஷ்