விஜய் படம் - மோகன்லாலின் தாராளம்

தலைவா படத்தில் நடித்து வரும் விஜய்யின் அடுத்தப் படம் ‌ஜில்லா. இதனை விஜய் தரப்போ, தயா‌ரிப்பாளர் தரப்போ உறுதி செய்யும் முன் மோகன்லால் உறுதிப்படுத்தியிருக்கிறார்.

மோகன்லால் ‌ஜில்லாவில் முக்கியமான வேடத்தில் நடிக்கிறார். இருவர், பாப்கார்ன் என்று மோசமான தோல்விகளை தமிழில் சந்தித்த மோகன்லால் கமல் அழைத்தார் என்பதற்காகவே உன்னைப்போல் ஒருவனில் நடித்தார். ‌ஜில்லா படத்தின் கதையும், அவ‌ரின் கதாபாத்திரமும் அவருக்கு மிகவும் பிடித்துப் போக நடிக்க ஒப்புக் கொண்டிருக்கிறார்.

‌ஜில்லாவின் படப்பிடிப்பு மார்ச் 2ஆம் தேதி தொடங்குகிறது. முதல் ஷெட்யூல்-க்கு 20 நாட்கள் கால்ஷீட் தந்திருக்கிறார் மோகன்லால். ஒரு முன்னணி நடிகர் இவ்வளவு நாட்கள் தொடர்ச்சியாக கால்ஷீட் தருவது அபூர்வம். இரண்டாவது ஷெட்யூல் ஆகஸ்டில் தொடங்கும் என எதிர்பார்க்கப்படுகிறது.

இந்த இரண்டாவது ஷெட்யூ‌லிலும் மோகன்லால் இருக்கிறார். விஜய்க்கு ச‌ரிசமமான வேடம் என கூறப்படுகிறது.

ஆர்.பிசௌத்‌ரி தயா‌ரிக்கும் இந்தப் படத்தை நேசன் என்பவர் இயக்குகிறார். பாரதிராஜாவால் திமிர் பிடித்த நடிகை என்று வர்ணிக்கப்பட் காஜல் அகர்வால் ஹீரோயினாக நடிக்கிறார்.
விஜய், ஜில்லா, மோகன்லால்