வானியல் அதிசயம்: சூரியனை கடக்கும் வெள்ளி

வீனஸ் என்று ஆங்கிலத்தில் அழைக்கப்படும் வெள்ளி கோளானது சூரியனுக்கும்
பூமிக்கும் இடையில் வரும் அபூர்வ நிகழ்வு இன்று செவ்வாய்க்கிழமை இரவு நடக்க
இருக்கிறது.

பிரிட்டிஷ்
நேர கணக்குப்படி செவ்வாய்க்கிழமை (5-6-2012) இரவு பதினோறு மணிக்கு துவங்கி
அடுத்த ஆறரை மணி நேரம் வெள்ளியானது சூரியனை கடக்கப் போகிறது.

வானியல் வரலாற்றில் மிக அபூர்வ நிகழ்வாக
கருதப்படும் இந்த நிகழ்வு 105 ஆண்டுகள் முதல் 121 ஆண்டுகளுக்கு ஒருமுறை
மட்டுமே நடக்கும் அபூர்வ நிகழ்வு.

எனவெ இந்த நிகழ்வை இன்று பார்ப்பவர்கள் தங்களின்
வாழ்நாளில் இது அடுத்த முறை நடப்பதை பார்ப்பதற்கு வாய்ப்பில்லை என்று
கருதப்படுகிறது.

தொலைநோக்கி கண்டுபிடிக்கப்பட்ட பிறகு இப்படி
வெள்ளி சூரியனை கடக்கும் நிகழ்வு இதுவரை ஏழு முறை மட்டுமே (1631, 1639,
1761, 1769, 1874, 1882, 2004 ஆம் ஆண்டுகளில்) நடந்திருக்கிறது.
செவ்வாயன்று இரவு நடக்க இருப்பது எட்டாவது நிகழ்வு.

எனவே இந்த அபூர்வ நிகழ்வை பார்க்கவும், அதையொட்டிய
ஆய்வுகளை மேற்கொள்ளவும் வானியலாளர்கள் மிகுந்த ஆர்வத்துடன் தயாராகி
வருவதாக கூறுகிறார் சென்னையில் இருக்கும் பெரியார் அறிவியல் தொழில்நுட்ப
மையத்தின் இயக்குநர் ஐயம்பெருமாள்.

இன்றைய நிகழ்வின் பின்னணி மற்றும் இதன்
முக்கியத்துவம் குறித்து ஐயம்பெருமாள் பிபிசி தமிழோசைக்கு அளித்த செவ்வியை
நேயர்கள் இங்கே கேட்கலாம்.