கூடலழகர் பெருமாள் கோவில்

ஸ்தல வரலாறு:

மதுரை மாநகரில் அமைந்துள்ளது கூடலழகர் பெருமாள் கோவில். இங்குள்ள பெருமாள் `வியூக சுந்தர்ராஜன்' என்று அழைக்கப்படுகிறார். எந்தவொரு செயலையும் செய்யும் முன்பு, சரியாக திட்டமிட்டு வியூகம் அமைத்து செயல்பட வேண்டும்.

அப்படி செயல்பட்டால்தான் அந்த செயலில் உறுதியான வெற்றி பெற முடியும். இவ்வாறு எதிலும் வெற்றி தரும் அழகராக இத்தலத்து பெருமாள் திகழ்வதால், அவர் `வியூக சுந்தர்ராஜன்' என்றும் அழைக்கப்படுகிறார்.

அந்த காலத்தில் இப்பகுதியை ஆண்ட மன்னர்கள் போர் புரியச் செல்லும் முன்பு, இவரை வேண்டி வெற்றிக்காக வியூகம் அமைத்துக் கொண்டதால் இப்பெயர் ஏற்பட்டதாகவும் சொல்கிறார்கள்.

போக்குவரத்து வசதி:

இந்த கோவிலுக்கு செல்ல சென்னை கோயம்பேடு பேருந்து நிலையத்தில் இருந்து பஸ் வசதியும், எழும்பூர் ரெயில் நிலையத்தில் இருந்து ரெயில் வசதியும் உள்ளது.