கார்ன் சாலட்

என்னென்ன தேவை?

சோள முத்துகள் - அரை கப்,
மீடியமாக நறுக்கிய மஞ்சள்
மற்றும் சிவப்பு குடமிளகாய் - தலா அரை கப்,
பொடியாக நறுக்கிய வெங்காயத் தாள் - கால் கப்,
எண்ணெய் - 2 டீஸ்பூன்.

டிரஸ்ஸிங் செய்ய...
எண்ணெய் - ஒன்றரை டேபிள்ஸ்பூன்,
உப்பு - கால் டீஸ்பூன்,
கருப்பு மிளகுத்தூள் - கால் டீஸ்பூன்,
பொடித்த சர்க்கரை - 1 டீஸ்பூன்,
வெள்ளை வினிகர் - 1 டேபிள்ஸ்பூன்.


எப்படிச் செய்வது?

கடாயில் 2 டீஸ்பூன் எண்ணெய் விடவும். சோளம் சேர்த்து 1 நிமிடம் வதக்கி, ஆற வைக்கவும். பிறகு அதையும், காய்கறிகளையும் ஃப்ரிட்ஜில் குளிர வைக்கவும். டிரஸ்ஸிங் செய்யக் கொடுத்துள்ள பொருள்களை ஒன்றாகக் கலந்து தனியே வைக்கவும். பரிமாறுவதற்கு முன்பு, இத்துடன் குளிர வைத்த சோளம், காய்கறிக் கலவையைச் சேர்த்துக் குளிரக் குளிரக் கொடுக்கவும்.