ஸ்ரீஞானம்பிகை சமேத காளஹஸ்தீஸ்வரர் கோவில்

தொழிலில் அரசியலில் இருப்பவர்களுக்கு பகைவர்கள் இருக்கத்தான் செய்வார்கள். கருத்து வேறுபாடுகளால் நண்பர்களே கூட பகைவர்களாக மாறக் கூடும். எதிரிகளால் தனக்கு ஆபத்து என்று பயப்படும் நிலை ஏற்படுமானால் தேனி- கம்பம் மார்க்கத்தில் உள்ள உத்தமபாளையம் தலத்துக்கு சென்று வழிபடலாம்.

இங்குள்ள ஸ்ரீஞானம்பிகை சமேத காளஹஸ்தீஸ்வரர் ஆலயத்தில் ராகு-கேது மூர்த்திகள் தங்களது துணைவியாருடன் தனிச்சன்னதி கொண்டு அருள் பாலிக்கிறார். அந்த ஆலயம் சென்று ஞாயிறு, திருவாதிரை, சுவாதி, சதயம் நட்சத்திர நாட்களில் ராகுவிற்கும், அசுவினி, மகம், மூலம் ஆகிய நட்சத்திர நாட்களில் கேதுவிற்கும் ஆராதனை செய்து வழிபடலாம். ராகு- கேது விற்கு ஹோமங்கள் ஆற்றுவது சிறப்பானது.